أَثْني بْسَلامي على مَنْ عَنِيتْ✱ أَخِصَّهْ عِلِيِّ المَعالي بْصيتْ✱ أَخطَّهْ بْحَرفٍ عِريبٍ ذِريبْ✱ أَباري حُروف الهِجَاءْ بْتِقاتْ✱ بَخَصْني لَدودٍ علَيَّ بْشَنَاهْ✱ بَهَتْني بِفِعلٍ عَليَّ رُماهْ✱ بَرَاني بِشَنْيَه عليَّ رُوَاهْ✱ بَلانِيِ بْحَرفٍ رُماني بْدَهاتْ✱ تَلَفْني زِمانٍ غِشَاه البِطَرْ✱ تِحَلّى بِشُوفٍ وَأْخْفى بضَرْ✱ تَهايا المِزايا وخُصّ النِّظَرْ✱ تِمايَزْ بلُِونٍ وْشَكْل وْصِفاتْ✱ ثِمينْ المَعاني ثِمينْ الأَصِلْ✱ ثِبيتْ المِلاقَى ثِبيتْ العَقِلْ✱ ثريَّا ونوفه قِصى ما حَصَلْ✱ ثَعَالِبْ تِلاعَبْ بِإسْدِ الفَلاةْ✱ جُهولٍ يرَِقَّى بِعالي الشَّرَفْ✱ جُحُودٍ يتَِقَّى بقُود العِجَفْ✱ جِبيلٍ على ما دَنَى وِاستخَفْ✱ جِبينٍ وَلا شَكّ ما بِهْ تِقَاتْ✱ حِمِيْل البَلايا صُبورٌ شِجاعْ✱ حزومٌ يَلِي مِنْ تَهايا السِّباعْ✱ حليمٍ على منْ تِقَدَّرْ وِداعْ✱ حِفِيٍّ بِروحْه لشَفّ الولاةْ✱ خَليلي تِقاصَى وِعَنِّي يحَسْ✱ خَلانِي بِقَفرٍ عَزلني وِطَسْ✱ خَذَلْني بِفعلٍ قَبيحِ اِرْتِكَسْ✱ خَلا الدَّارْ مِنْ شِيفِتَهْ وِالذَّواتْ✱ دَعْ ما يَريبَكْ.. بحَدِّ الوُثَقْ✱ دار الشِّبيْهَهْ عَنك.. وِبَقْ✱ دَعِيِّ المَلاقَهْ تِحَذَّرْ وِتَقْ✱ دِهِيٍّ وِنارَهْ وُقِيدٍ صَلاتْ✱ ذاع المِشانِي بِقول الغِشَشْ✱ ذَيَّلْ بْهَرْج الْخَنا وِانتَعَشْ✱ ذابْ المَعادي وْأَوَّبْ وِطَشْ✱ ذِليلٍ وِطَرْقِ الذَّليلِ الوُشاةْ✱ رحاها وِدِنياك كَمّ الوِزا✱ رَحاها بَلاها وِمَا بْها جِزا✱ رَحاها تِدورْ وِلا مِنْ بِزا✱ رَحاها تِهَرْشْ العِظامْ الْفِتاتْ✱ زَهَدْ بْها عِليم التُّوالي نُذورْ✱ زِهيدٍ وِنَفْسَهْ نِذيرْ النُّفورْ✱ زَهيدٍ وِتِحْلَا بِعين الغُرورْ✱ زَهاها يِغاشي غَريرِ الشِّتَاتْ✱ سَلامي على وَطِرْ عِشْنا زَهاهْ✱ سعدنا بِيومٍ وِليلٍ قِضَاهْ✱ سمعْنا عُلوم الخِيَارْ بْشِفاهْ✱ سَمينا بِذِيكْ المَعاني وِصَاتْ✱ شَرَبْنا بْكاسْ الفَضيلَةْ زَلالْ✱ شَرَبْنا وِكاسْ الكَرَمْ لَا يِزالْ✱ شَرَبنا.. نِشَرّبْ فِلِذْنا حَلالْ✱ شرابٍ بِعلمٍ نِرَجَّا التِّقاتْ✱ صاحِبْ سِمِيِّ الفَعايِلْ وِجابْ✱ صِدْقٍ صَدوقٍ بِرايَهْ صُوَابْ✱ صافي وِشَفَّهْ بِهَدْيَكْ مُجابْ✱ صادِقْ وَلا يَرتَضي بِكْ شناةْ✱ ضِيم المِجافي بِها ما يزِيدْ✱ ضارِمْ مُقِيدِ الحِشَا مِستزيدْ✱ ضِدٍّ وِلِدٍّ وِخِلٍّ صِديدْ✱ ضَل الجِدَا مَن تِعلَّقْ فُواتْ✱ طَرْقْ التِّسالي بْهَذْرٍ غَثيثْ✱ طالْ وتِعَدَّى لِعِيبٍ بِحِيثْ✱ طُبَّهْ تِعَدَّى وِخَلّ الغَثيثْ✱ إِطْفي مِقالِ السِّفاه بْصُماتْ✱ ظِلّ المَعادي بْحِسْنِ الجُوابْ✱ ظِلَّهْ وِخَلِّكْ حِشيم الخِطابْ✱ ظِلَّهْ وِتاقِي وِصُدّ الحِرابْ✱ ظِلّ التَّهادي يِزيل البَهاتْ✱ عِين المَراجي على المُستطاعْ✱ عِينَهْ وِخَلِّكْ سليمْ الطِّباعْ✱ عَين التَّرجِّي تَراها دُموعْ✱ عِينْ وتعاونْ بْوُدِّ وْصِفاتْ✱ غِبّ الشِّنِيَّهْ وَلَا تِهتِزي✱ غِبَّه وِحاذِرْ لِسانَكْ جِزي✱ غَبْيْ الشَّنا فِي تَلاها خِزِي✱ غيركْ تْحَذَّرْ بْعِيبَكْ هِزاتْ✱ فارِقْ لْوَجْه العُبُوس السِّليطْ✱ فيهِ الخَباثَهْ وِقُولٍ حَطِيطْ✱ فيهِ التَّكَبُّرْ وِهَذْرِ الخَريطْ✱ فارِقْ مْسِيلَمْ وِصَدَّهْ بِتاتْ✱ قارِبْ طُوالْ اللِّحى وِاسْتَكينْ✱ قارِبْ رِجالٍ.. تِخِصَّكْ بِدِينْ✱ قارِبْ تِعَلَّمْ.. بِدُنيا وِدِينْ✱ قارِبْ صَلاحٍ وِابْشِرْ هَنَاةْ✱ كاظمْ لِغيظَهْ وِرَبِّي حِبَاهْ✱ كافِي لِشَرٍّ بْخَيرٍ جِزَاهْ✱ كاسِرْ قُرونْ الخِباثَةْ شَرَاهْ✱ كِلٍّ تِمَنَّى يِكونْ بْشَراتْ✱ لا تِرتِجي مِنْ خِبيثٍ سَعَفْ✱ لِي دَنِّ وَقْتْ الصَّعايِبْ نِكَفْ✱ لِي مِنْ رَمَاك الزَّمان بْكَلَفْ✱ لا تِرتِجي ثِيبِتَهْ بِالثَّبَاتْ✱ ما يِغتِبي سُوءْ طَبْعْ وطُبَاعْ✱ مَهْما تِطَبَّعْ وِلِبْس القناعْ✱ مَرّ اللِّيالِي تِبينْ الخِدَاعْ✱ مَحْدٍ كِتَمْ غَابِيَاتٍ بِتَاتْ✱ نُورٌ تِجَلَّى وِشَمْسٍ شَروقْ✱ نادَى الموَفِّي وِيْنِ الحُقوقْ✱ ناسٍ تِهَلَّا وِنَاسٍ تِسوقْ✱ ناسٍ بِهاتا وِناسٍ بِهَاتْ✱ هَذِّبْ صِغِيركْ عَنْ وَقْتْ سَوْ✱ هذا مْجَادِي وْهذا نَحَوْ✱ هَمْلِ الرِّتَعْ ما تِنْجى بْلَوْ✱ هُوم المَراعي يِجِدِّ العصَاةْ✱ وَجِّبْ أُموركْ وِفي كلِّ شَيْ✱ وِاعْلَمْ بِأنََّكْ خَليقٍ لِشَيْ✱ وِرَبِّ البِشَرْ ما قَضى بَهْ بْشَيْ✱ وَحْدَهْ تَعالَى عِليمِ الغِبَاتْ✱ يا مَنْ بِأَمرَهْ بْكافٍ وِنُونْ✱ يا مَنْ حِملْها بِشَدِّ الرُّكونْ✱ يا رَبْ عَفْوَكْ وِلُطفَكْ مُعينْ✱ يا رَبْ تِرحَمْ عِبادَكْ شِتَاتْ✱